Aksion para ministrisë, kërkohet hapja e bibliotekave

Lëvizja Studentore për Studim, Kritikë, Veprim, me një aksion simbolik para Ministrisë së Arsimit ka kërkuar që të bëhet hapja e bibliotekave, në të gjitha komuna e Kosovës, ku ka Universitete Publike.

Kjo organizatë studentore aktivitet të njëjtë si ai para Ministrisë së Arsimit, ka mbajtur në të gjitha komunat e Kosovës, ku ka Universitete Publike.

Berita Abazi, studente dhe aktiviste e organizatës, ka thënë se është paradoks të hapen kafenetë e restorantet, ndërsa bibliotekat jo.

Ajo ka thënë se Qeveria duhet të bëjë zgjidhje për hapësirat e leximit për studentët.

“Çfarë kuptimi ka të hapen kafenetë e jo bibliotekat, çfarë kuptimi ka të hapen vendet kur për ka natyra shkojnë më shumë njerëz, kurse ne bibliotekë shkojmë vetëm me librin”

“Biblioteka nuk është vetëm hapësirë studimi e leximi, por edhe ndjesi e stimulimit për secilin studentë që studion në universitet. Qeveria duhet të gjejë zgjidhje për këto hapësira të leximit për studentët”, është shprehur ajo.