COVID-19 gjashtë herë më vdekjeprurës sesa gripi sezonal

Sipas vlerësimeve të fundit të Organizatës Botërore të Shëndetit (OBSH), vdekshmëria mesatare nga COVID-19 është 0.6 për qind.

Kjo e bën koronavirusin gjashtë herë më vdekjeprurës sesa gripi sezonal.

Sipas epidemiologut Maria Van Kerkhova, kjo shifër mund të mos duket shumë, por është shkallë e lartë e vdekshmërisë.

“Mund të mos duket shumë, por gjithsesi është një shkallë e lartë e vdekshmërisë, sepse vret një nga 167 pacientët”, tha ai.

OBSH bazon llogaritjen e saj të vdekshmërisë prej 0.6 për qind në një vlerësim prej 115 milionë të infektuar dhe vdekjen e 700.000 njerëzve.