Dietologia Ibrahimi liston ushqimet që ju ndihmojnë të bëni gjumë të rehatshëm gjatë natës

Ajshe Ibrahimi – nutriciste$dietologe

Që të keni një funksion sa më të mirë të trupit, duhet të ekuilibroni orarin e stërvitjes, ushqimit dhe gjumit. Së bashku, stërvitja, dieta dhe gjumi krijojnë themelin për shëndetin dhe mirëqenien afatgjatë.

Një dietë e shëndetshme mund t’ju ndihmojë të bëni një gjumë të rehatshëm gjatë natës, të përmirësoni cilësinë dhe gjatësinë e gjumit dhe anasjelltas, një gjumë i mirë mund t`ju ndihmojë të hani më mirë.

Hulumtimet tregojnë se kur keni mungesë të gjumit, keni më shumë gjasa të konsumoni ushqime të larta në kalori, yndyrë dhe sheqer.

Këtu janë disa nga ushqyesit më të rëndësishëm për të pasur një gjumë të mirë:

  1. Seleniumi

Një mangësi e selenit mund të luaj një rol në anomalitë e gjumit, gjithashtu është kritik për funksionimin e sistemit tuaj imunitar dhe funksionin e tiroides. Burime të shkëlqyera me selen janë arrat e Brazilit, farat e lulediellit, mishi i viçit, frutat e detit,  mishi i pulës dhe kërpudhat.

  1. Vitamina C

Disa studime sugjerojnë që njerëzit me nivele të ulëta të vitaminës C kanë më shumë probleme me gjumin dhe janë më të prirë për t’u zgjuar gjatë natës. Burime të shkëlqyera të vitaminës C janë:  frutat e malit, qershia, portokalli, mandarina, limoni si dhe shumë ushqime të përditshme si speca, perime me gjethe jeshile, kivi, luleshtrydhe, agrumet dhe papaja.

  1. Kaliumi

Në bazë të disa studimeve kaliumi mund të jetë i dobishëm për ata që kanë probleme të bëjnë gjumë. Bananet shpesh vlerësohen si burimi më i mirë i kaliumit, por ka shumë burime të tjera natyrore. Zarzavatet pa gjethe, patatet, brokoli, kërpudha  dhe avokadot janë burime të shkëlqyera të kaliumit.

  1. Kalciumi

Hulumtime të tjera sugjerojnë që shqetësimet lidhur me gjumin mund të lidhen me një mungesë të kalciumit. Burime të shkëlqyera të kalciumit janë: kale, brokoli, zarzavatet, sardelet, salmoni, frutat  e detit dhe farat e susamit, djathi, qumështi dhe kosi.

  1. Vitamina D

Ekziston një lidhje e fortë midis mungesës së vitaminës D  dhe mungesës së gjumit. Burimet  ushqimore të vitaminës D, të tilla si peshk deti, salmon, ton, skumbri, kërpudha shiitake dhe fruta  deti, por mënyra optimale për të ngritur nivelet e vitaminës D, siç tregon studimi, është përmes ekspozimit në dritën e diellit.

Megjithatë, nuk është gjithmonë e mundur të marrim dritën e duhur të diellit që na nevojitet për shkak të vendit ku jetojmë, rrjetës mbrojtëse të diellit dhe stinës së vitit. Prandaj preferohet  një shtesë e vitaminës D3 me cilësi të lartë, e cila mund të përcaktohet nga mjeku juaj.

  1. Omega-3

Një studim i kryer nga Universiteti i Oksfordit zbuloi se omega-3 mund t’ju ndihmojnë të bëni gjumë më të thellë dhe më çlodhës. Disa burime ushqimore të omega-3 janë farat chia, farat e kungullit, farat e kërpit, arrat, halibut, salmon dhe farat e lirit.

  1. Melatonin

Melatonin është një hormon që rregullon ciklet e gjumit tuaj dhe mund të gjendet në sasi të vogla në disa ushqime, ndërsa të tjerat gjithashtu mund të ndihmojnë në rritjen e prodhimit të melatoninës së trupit tuaj. Qershitë radhiten në burime të ushqimit me sasinë më të lartë të melatoninës, por ekziston gjithashtu një sasi tek arrat. Disa nga ushqimet të cilat rritin nivelin e melatoninës në trupin tuaj janë dhe ananasi, bananja dhe portokalli.

  1. Vitamina B6

Kjo vitaminë thelbësore ndihmon për të moduluar reagimin ndaj stresit të trupit tuaj dhe për të qetësuar sistemin tuaj nervor. Disa nga burimet më të mira të vitaminës B6 janë: bananet, jogurti, djathi, gjalpi, kikiriku, bajamet, avokado, peshku, domatet, spinaqi, patatet e ëmbla, frutat e detit dhe vezët.

Sigurisht, ka shumë ushqime dhe lëndë ushqyese të tjera që janë të rëndësishme për shëndetin e njeriut. Gjëja e shkëlqyeshme për të ngrënë ushqime të drejta, është që ju të merrni një mori të ushqyesve të tjerë të kombinuar së bashku me ato që u cekën më lart – të gjitha në formë të shijshme, të freskëta dhe bio./mediafokus.info