Homazh për njeriun e mirë

Homazh për njeriun e mirë

Vdekja e drejtorit komunal Zijadin Maliqi, i ka prekur këshilltarët komunalë në Gjilan, pa dallim përkatësie politike.

Dedikim të veçantë për Maliqin ka bërë edhe Shefik Surdulli, këshiltar komunal i PDK-së. Në një postim të titulluar Homazh, Surdulli ka thënë se Zijadin Maliqi ishte njeri i mirë, parimor, veprimtar i palodhur dhe profesionist i spikatur i fushës së ekonomisë – financave.

“Në rend të parë, Zijadin Maliqi ishte njeri i mirë, parimor, veprimtar i palodhur dhe profesionist i spikatur i fushës së ekonomisë – financave.

Në saje të këtyre cilësive, edhe si drejtor i Drejtorisë komunale për financa, ai gëzoi respekt te të gjithë, edhe tek unë gjithsesi, si këshilltar komunal i politikës alternative.

Me këtë rast, Komuna e Gjilanit humbi një ekspert të dalluar të fushës financiare.

Bashkëndjejmë me familjen e tij, me miqtë dhe bashkëpunëtorët!

I paharruar qoftë kujtimi për te!”, ka shkruar Surdulli.