Hoti: Nesër finalizohet diskutimi i sotëm

Kryeministri i Kosovës, Avdullah Hoti, në një konferencë për medie pas takimit në Shtëpinë e Bardhë, ka thënë se nesër pritet të finalizohet diskutimi që kanë pasur delegacionet e shteteve.

“Jemi takuar me O’Brien dhe Grenell. Kishim një takim me presidentin serb gjithashtu. Nesër presim të finalizojmë këtë diskutim që patëm sot.

Një gjë mund t’iu them që marrëveshje të dëmshme dhe të papranueshme asnjëherë nuk kanë ardhur dhe nuk do të vijnë nga Shtëpia e Bardhë.

E kemi bërë një progres në çështjet ekonomike dhe kemi bërë një hap të madh.

As nuk është shtruar e as nuk do të shtrohet në tavolinë çështja e shkëmbimit të territoreve.

Ju nesër do të shihni marrëveshjen sepse kështu është diskutuar.”, ka deklaruar Hoti.