I vdekuri kthehet në shtëpi pas dy muajve

Zyrtarisht ishte shpallur i vdekur. Madje, edhe ishte organizuar ceremoni mortore dhe ishte varrosur, por befasia ndodhi kur ai u kthye në shtëpi i gjallë, pas dy muajve.

Kinezi Jiao, i cili ka një sëmundje mendore, u zhduk nga shtëpia e tij në qytetin jugperëndimor Chongking, në mars, tha xhaxhai i tij, i njohur me mbiemrin Liu.

Xhaxhai i tij i frikësuar u tha mediave lokale se e gjithë familja ishte e tronditur kur menduan se Jiao ishte “kthyer nga të vdekurit”. Në fund të fundit, rezultoi të ishte një gabim. Përkatësisht, spitali pretendon se mjekët kanë përzier një pacient tjetër me të, pasi ishin shumë të ngjashëm.

Familja shpenzoi rreth 15,000 euro në një funeral të madh. Ndërsa familja luftonte me pikëllim, xhaxhai i tij mori një telefonatë nga policia në fund të majit. Ata i thanë që kishin gjetur një burrë të pastrehë, i cili pretendonte se ishte Jiao. Me ndihmën e policisë, Jiao u kthye në shtëpi më 5 qershor.

Për shkak të gjendjes së tij mendore, Jiao nuk ishte në gjendje të shpjegonte se si ai udhëtoi afro 1.500 kilometra nga Chongking në Shangrao, raportojnë mediat kineze. Familja tani është duke pritur kompensim nga spitali, raporton Daily Mail.