Ka ndërruar jetë Xhelal Shabani, zyrtar i kompanisë Hidromorava

Në Gjilan ka ndërruar jetë në moshën 59-vjeçare, Xhelal Shabani nga Pogragja, zyrtar i kompanisë ‘Hidromorava’.

Shabani ishte një ekspert i zoti dhe një person shembullor. Ai e humbi përballjen me sëmundjen.

Njoftimin për ndarjen nga jeta të Xhelal Shabanit e kanë dhënë kompania dhe të afërm të tij.

‘Sot, kompania Hidromorava mori lajmin e hidhur se ka ndërruar jetë kolegu jonë Xhelal Shabani, ekonomist.

Lajmi për vdekjen e Xhelalit na ka tronditur të gjithëve.

Kontributi i Xhelalit vlerësohet lart nga të gjithë në kompani. Ishte ndër të parët që filloi punën në Hidromoravë, pas luftës dhe vendosi bazën e sukseseve që gëzon kompania sot.

Në emër timin personal, menaxhmentit dhe të gjithë stafit të kompanisë, ju shpreh ngushëllime familjes, kolegëve të punes dhe gjithë shoqërisë!

Pusho i qetë Xhelal Shabani!

Muhamed Suliqi, Kryeshef Ekzekutiv KRU “Hidromorava” SH.A GJILAN’, thuhet në njoftim.