Kosova merr programin VAR

Federata e Futbollit të Kosovës ka njoftuar se ka marrë programin VAR, i cili do të fillojë të testohet në ndeshjet që Kombëtarja e Kosovës do t’i luajë si vendase, derisa në të ardhmen planifikohet fillimi i kësaj teknologjie edhe në kampionatin vendor.

Ndërkohë, gjatë një takimi të presidentit të FFK’së, Agim Ademi, me presidentin i Federatës së Futbollit të Danimarkës, Jesper Møller, u konfirmua se ky shtet e ka marrë si mision që ta ndihmojë FFK-në, së bashku me institucionet shtetërore daneze.

“Me dëshirën që Kosova  të vazhdojë këtë organizim të mirë dhe transparencë të FFK-së, por edhe me rezultate të mira të ekipeve kombëtare, shpreh të gjithë simpatinë time për presidentin Ademi dhe ekipin kombëtar si dhe gjithë popullin futbolldashës të Kosovës. Për këtë arsye kemi zgjedhur Kosovën që ta përkrahim në segmentet ku ajo ka nevojë”, ka theksuar presidenti i FF të Danimarkës, Jesper Møller, njofton Federata jonë.