Kryetari i Kamenicës konfirmohet pozitiv me Covid 19

Kryetari i Kamenicës, Qendron Kastrati ka rezultuar pozitiv me Covid. Njoftimin e ka dhënë vetë ai në facebook.

Të nderuar qytetarë të Kamenicës

Javën e kaluar kam pasur kontakt me një koleg nga Prishtina. Para dy ditësh kolegu ka rezultuar pozitiv me COVID-19.

Në momentin që e kam kuptuar që ai ka bërë testin jam vetizoluar, ndërsa dje jam paraqitur për të bërë testin.

Sot jam informuar që testi ka dalur pozitiv.

Nuk kam asnjë simptomë por do të qëndroj i vetizoluar sipas rekomandimeve të IKShPK-së.

Do t’i dorëzoj të gjitha kontaktet e mia pranë Institutit Kombëtar të Shëndetësisë Publike, por ju lus të gjithëve që jemi takuar ditëve të fundit të vetizoloheni për disa ditë dhe të lajmëroheni nëse keni simptome.

Punët në Komunën e Kamenicës do të vazhdojnë me intensitetin e njejtë, dhe unë do të vazhdoj të punoj nga shtëpia, ka shkruar ai./mediafokus.info