Limaj i merr këto dy ministri në qeverinë e Hotit
Sot është nënshkruar marrëveshja e koalicionit ndërmejt LDK-së dhe Nismës.
Sipas marrëveshjes, Nismës i takojnë dy ministri: Ministra e Punëves dhe Mirëqenies Sociale dhe Ministria e Tregtisë dhe Industrisë.
Nismës do t’i takojë edhe posti i zëvendëskryeministrit, derisa zëvendësministrat do të ndahen në mënyrë proporcionale, bazuar në peshën politike të subjekteve.
Dy partitë janë dakorduar që emërimi dhe zëvendësimi i ministrave, zëvendësministrave dhe zyrtarëve tjerë, bëhet vetëm me propozimin e kreut të partisë, në këtë rast të Limajt.
Aty theksohet se shkarkimi i tyre mund të bëhet vetëm pas dakordimit të kryetarëve të partisë në konsultim me kryeministrin./mediafokus.info