Lutfi Haziri: Ditë e rëndë për Gjilanin, apeloj të vetëpërmbaheni

Kryetari i Gjilanit, Lutfi Haziri, e ka cilësuar si natë të rëndë për Gjilanin, pas konfirmimit të 15 rasteve të reja në këtë komunë.

Ja postimi i plotë:

Ditë e rëndë për Gjilanin në ditën e parë të Ramazanit dhe në #ditën43 të përballjes me Covid-19, pasi i kemi 15 raste të reja pozitive, 7 në Livoҫ të Epërm, 7 në qytet dhe 1 në Kosaҫë.

Rastet janë nga kontaktet me të prekurit e Kamenicës dhe tashmë i kemi indentifikuar kontatet e të prekurve të fundit, derisa familjet janë në karantinë.

E falënderoj ministrin Vitia për mbështetjen dhe së bashku me Komitetin për menaxhimin e emergjencave në Gjilan, jemi në koordinim të plotë për hapat e mëtutjeshëm.

Apeloj që të vetëpërmbaheni. Mos dil nga shtëpia, mos ia jep e as mos ia merr kërkujt #Covid19. Nëse qëndroni në shtëpi, gjasat që të infektoheni janë zero. #rriNshpi