Mbi 25 milionë të infektuar në botë nga COVID-19, ja vendet më të prekura

Numri i të infektuarve me COVID-19 në të gjithë botën që prej nisjes së pandemisë ka kaluar shifrën 25 milionë, më saktë 25,236,271, sipas të dhënave të John Hopkins University.

Ndërsa, nga virusi kanë vdekur 846,574 persona. Shtetet e Bashkuara të Amerikës mbeten vendi më i prekur, me gati 6 milionë të infektuar, nga të cilët kanë vdekur 183,068 persona.

Brazili vijon të jetë në vend të dytë me më shumë se 3 milionë raste dhe 120.828 vdekje. India është e treta, me 3 milionë infeksione dhe 64.469 vdekje.

Kohët e fundit, rastet e reja globale kanë nisur të rriten sërish me ritme të shpejta. Ndërsa afrohet vjeshta, mjekët tashmë po shohin shenja të një vale të dytë të infektimeve, e cila do të jetë thuajse e pamundur të përballohet derisa të zbulohet vaksina.