OBSH: Shpresojmë se kriza do të kalojë në më pak se dy vjet

Organizata Botërore e Shëndetësisë (OBSH) shpreson se kriza me Covid-19 do të kalojë në më pak se dy vjet, deklaroi sot drejtori i përgjithshëm i OBSH-së, Tedros Ad’hanom Gebreisus.

Ai shtoi se gripi spanjoll u paraqit në vitin 1918 dhe ka zgjatur dy vjet.

“Tani situata jonë është e tillë që kemi më shumë teknologji, por me lidhshmërinë më të madhe, virusi ka shanse më të mëdha të përhapet, mund të lëvizë më shpejtë”, potencoi Gebreisus.

Në botë me koronavirusin e ri janë infektuar 22.986.700 persona, prej të cilëve 799.294 kanë vdekur, ndërsa janë shëruar 15.614.808 njerëz.