Pse femrat e kalojnë më lehtë se meshkujt virusin COVID-19

Femrat e kalojnë më lehtë se meshkujt virusin COVID-19. Ky është studimi më i fundit, i cili zbulon dhe arsyet se pse ndodh ky fenomen.

Tek pacientet femra, edhe në moshë madhore, niveli i citokinave imflamatore nuk prek punën dhe funksionin e limfociteve T, transmeton Opinion.

E kundërta ndodh tek burrat, tek të cilët niveli i lartë i citokinave prek monocitet, duke i kthyer në jo funksionale, e duke çuar njëkohësisht në reduktimin e limfociteve T. Ky proces sjell rrjedhimisht një përgjigje shumë më të ulët të sistemit imunitar, çka bën që meshkujt ta luftojnë më me vështirësi koronavirusin.

Grupi i shkencëtarëve të Universitetit të Yale-s, të cilët morrën iniciativën për të kryer këtë studim, u nisën nga fakti se në të gjithë botën, pacientët meshkuj ishin shëruar shumë herë më ngadalë nga koronavirusi se pacientet femra.

Numri i viktimave nga COVID-19 është më i lartë tek burrat, ndërsa shihet se dhe simptomat janë më të rënda tek ta. Në përgjithësi, sipas statistikave, sëmundjet shpesh kalohen më me vështirësi nga meshkujt, se sa nga femrat.