Qeveria Kurti, në minutat e fundit të saj (?)

Qeveria Kurti po hyn në minutat e fundit të saj. Pas një ore pritet mbajtja e seancës së Kuvendit, ku në rend dite është votimi i mosbesimit ndaj qeverisë.

LDK dërgoi mocion në Kuvend, pas shkarkimit të ministrit të saj Agim Veliu, jashtë marrëveshjes që kishin partnerët e koalicionit.

Por, çka mund të ndodh krejt me mocionin?

Ish- kryetari i Gjykatës Kushtetuese, Enver Hasani ka folur çka ndodh nëse kalon mocioni i LDK-së kundër Qeverisë Kurti.

Hasani ka theksuar se nëse rrëzohet Qeveria, presidenti ia kërkon Lëvizjes Vetëvendosje, si parti që ka dalë e para në zgjedhje, emrin e kandidatit për kryeministër brenda 15 ditësh.

Nëse VV nuk e ka kandidatin tjetër, atëherë brenda 10 ditësh presidenti duhet ta gjejë një kandidat të tretë.

Sipas tij, kandidati i tretë mund të caktohet në bashkëpunim me partitë, dhe ai kandidat i cili i ka edhe votat në Kuvend.

Nëse dështon edhe kandidati tjetër, sipas Hasanit vendi shkon në zgjedhje të parakohshme parlamentare.

Sipas tij, për shkuarjen në zgjedhje duhet të ketë edhe vullnet të partive politike.

Në një intervistë në RTV 21, ai ka theksur se opsion do të ishte edhe një qeveri teknike, deri në mbajtjen e zgjedhjeve të reja./mediafokus.info