Qindra aktivistë të LVV fyejnë ambasadorët amerikanë, Kosnett e Grenell

Pas një fushate linçuese ndaj emisarit të Donald Trump për dialogun Kosovë-Serbi, Richard Grenell, dhe fyerjeve ndaj tij në baza të orientimit seksual, përkrahës të Lëvizjes Vetëvendosje kanë organizuar edhe një fushatë kundër ambasadorit amerikan në Prishtinë, Philip Kosnett, raporton Gazeta Express.

Fyerje të rënda ndaj Kosnett dhe amerikanëve vijnë në mënyrë të organizuar pas rrëzimit të Kurtit nga pushteti si rezultat i një mocioni të Lidhjes Demokratike të Kosovës që u përkrah nga 82 deputetë në Kuvend.

Një gjuhë të tillë linçuese të përkrahësve të Kurtit ndaj Kosnett, Grenell e amerikanëve, e ka denoncuar një faqe në “facebook” e titulluar “ LDK per Kosoven”.

Në këtë faqe janë publikuar qindra komente fyese të përkrahësve të Vetëvendosjes në adresë të amerikanëve, me mbishkrimin “ all of shame” apo “ Muri i turpit”.

Raportet e Kurtit me amerikanët kanë pësuar një çarje të pariparueshme pas refuzimit të këtij të fundit për ta hequr taksën sipas kërkesës së ashingtonit.

Tashmë Kurti pas përkrahjes nga BE, thotë se Evropa s’mund të zëvëndësohet me asnjë kontinent tjetër meqë e ardhmja e Kosovës është pikërisht në Evropë./Mediafokus.info/