Shpend Ahmeti kërkon që të rihapen çerdhet dhe shkollat

Kryetari i Prishtinës, Shpend Ahmeti, ka qenë i pari që pati kërkuar shtrëngimin e masave kundër përhapjes se COVID-19, e rrjedhimisht mbylljen  e shkollave, transmeton Mediafokus.info.

Tash kur lakorja e infeksionit ka rënë thuajse në pikën zero, i pari i Prishtinës po kërkon që Kosova të intensifikojë rihapjen pas izolimit prej më shumë se dy muajsh për shkak të pandemisë së koronavirusit.

Statusi i plotë i Ahmetit në Facebook:

Kemi qenë të parët që kemi kërkuar masat restriktive me 6 mars dhe kemi pas të drejtë.

Sot, po kërkojmë që masat të rishikohen në përputhje me situaten.  Nuk jam mjek, por këto masa tashmë nuk janë në përputhje me situatën, dhe për më keq nuk po respektohen nga qytetarët – e besa as që ka mundësi të zbatohen nga policia e inspektorët.

Është koha që Kosova të intensifikojë rihapjen dhe të veprojë sipas situatës epidemiologjike.

Fokusi i masave duhet të jetë:

– Mbrojtja e personave të rrezikuar nga sëmundjet kronike dhe ata të moshës mbi 60 vjet;

– Izolimi i rasteve pozitive dhe kontakteve potenciale;

– Rregullat për hapësirat e mbyllura, posaçërisht në gastronomi;

– Rihapja e çerdheve dhe rihapja graduale e shkollave (klasat 1-5 fillimisht);

– Maskat si mbrotja primare nga një shpërthim eventual;

– Të hiqen oraret e lëvizjes;

– Të hiqet karantina nga Qendra e Studentëve dhe të kthehemi në vetizolim detyrues;

– Të hapen kufijtë me shtetet që nuk kanë krizë epidemiologjike me prioritet Shqipërinë.

Faza e dytë nuk ka kuptim te zgjas dy jave.

Humbjet ekonomike tashmë janë shumë të mëdha.  Do te na duhen ide kreative për tu përballë me humbjet që do të zgjat me muaj.

Ndërsa ne si komuna duhet shpejt të lëvizim drejt qyteteve më të pastra me më pak kerre e më pak ndotje.

Tash koha të merremi me pasoja.”

#jemiPRcdonjerin

#shpiPRkrejt.

/Mediafokus.info/