Trump: COVID-19 më i keq se 11 Shtatori

Presidenti amerikan Donald Trump deklaroi se pandemia COVID-19 është më keqe se sulmet ndaj Pearl Harbour dhe Qendrës Botërore të Tregtisë në Nju Jork.

“Ne kaluam sulmin më të keq që kemi pasur ndonjëherë mbi vendin tonë. Ky me të vërtetë është sulmi më i keq që kemi pasur ndonjëherë”, u tha ai gazetarëve në Shtëpinë e Bardhë. “Kjo është më keqe se në Pearl Harbour. Kjo është më e keqe se në Qendrën Botërore të Tregtisë”.

Trump tha se pandemia mund të ishte ndalur nga Kina, por “nuk u bë”.

SHBA është vendi me numrin më të madh të infeksioneve me COVID-19 dhe vdekjeve në botë.

Aktualisht, vendi ka më shumë se 1.2 milionë raste dhe më shumë se 72.000 vdekje.

Pearl Harbour është një bazë detare pranë Honolulu, Hawaii, e cila u godit nga një sulm i befasishëm të forcave japoneze në dhjetor të vitit 1941, ku u vranë 2.403 amerikanë.

Sulmet terroriste më 11 shtator të vitit 2001, të organizuara nga udhëheqësi i vrarë i Al-Kaedës, Osama bin Laden, çuan në vdekjen e 2.753 personave kur grupi terrorist rrëmbeu avionët komercialë dhe i përplasi në Qendrën Botërore të Tregtisë në Nju York, duke shkatërruar një nga shenjat emblematike të qytetit./mediafokus