Vdesin dy gra nga Vitia me COVID-19

Dy gra nga Vitia të cilat ishin të prekura nga COVID-19, kanë ndërruar jetë.

Lajmin e ka bërë të ditur për Plus TV, drejtoresha e Qendrës së Mjekësisë Familjare në Viti, Vjollca Kadolli e cila tha se njëra paciente e moshës 49-vjeçare, ka pasur edhe sëmundje tjera shoqëruese kurse tjetra ka qenë e moshës 56-vjeçe.

Ajo ka thënë se të dyja pacientet, ditëve të fundit ishin konfirmuar pozitivë për koronavirus teksa shtoi se numri i të vdekurve me këtë infeksion ka shkuar në 10, në këtë komunë që prej fillimit të pandemisë së koronavirusit.

Sipas Institutit Kombëtar të Shëndetit Publik në Kosovë, Vitia ka aktualishtë 49 raste aktive me këtë sëmundje.

Kadolli tha se 5 pacientë vitias po trajtohen në repartin e Infektivë në spitalin e Gjilanit, ku dy prej tyre janë në kujdes intenzivë.

Kadolli ka bërë thirrje që gjatë festës së Kurban Bajramit të shmangen vizitat familjare dhe që qytetarët të respekojnë masat kundër përhapjesë së infeksionit, pasi sipas saj, gjendja me këtë sëmundje nuk është e mirë.