Vetëvritet në burgun e Shkupit një profesor universitar

Në burgun e Shkupit është vetëvrarë një person me inicialet S.M., i lindur në vitin 1959, në fshatin Poroj të Tetovës.

Ai ka qenë në paraburgim që nga 29 shkurti i këtij viti, si i dyshuar për veprën penale që është e dënueshme në bazë të nenit 188 të Kodit Penal të Republikës së Maqedonisë së Veriut.

Siç raportojnë mediat në Maqedoni, S.M., është varur në qelinë e burgut.

Me urdhër të Prokurorit Publik, trupi i pajetë është dërguar për obduksion në Mjekësinë Ligjore.

Ndërkohë, mediat shtojnë se fjala është për profesorin universitar, Sulejman Meta, i cili ishte i dyshuar për tentim përdhunimi të një të miture.